آسٹریلیا میں جاری ٹی 20 ورلڈ کپ کا سپر 12 مرحلہ اپنے تمام سنسنی خیزی کے ساتھ اختتام پذیر ہوگیا اور پاکستان نے بھی سیمی فائنل میں جگہ بنا لی۔
پاکستان کے ٹورنامنٹ کے فائنل فور مرحلے میں جگہ بنانے پر انٹرنیشنل کرکٹ کونسل بھی قومی ٹیم کے جذبے کی تعریف کیے بغیر نہ رہ سکی اور اپنے آفیشل ٹوئٹر پیج پر کئی تعریفی ٹوئٹس کی ہیں
آئی سی سی نے لکھا ہے کہ پاکستان نے سیمی فائنل میں پہنچ کر تمام اندازے غلط ثابت کردیے۔
ایک اور ٹوئٹ میں انٹرنیشنل کرکٹ کونسل کا کہنا تھا کہ ٹی 20 ورلڈ کپ کی تاریخ میں سب سے زیادہ ڈرامائی کہانیوں میں سے ایک، پاکستان نے یہ کیسے کیا؟
ایک اور ٹوئٹ میں کہا کہ دو میچوں میں شکستوں کے بعد نیچے سے اوپر آنا ایسا لگتا ہے کہ پاکستان کسی تیز سواری پر سوار تھا۔
آئی سی سی نے اپنی دیگر ٹوئٹس میں بھی قومی ٹیم کی کارکردگی کو سراہا اور کہا کہ پاکستان نے تمام تر مشکلات کے باوجود خود کو پرسکون رکھا، فائنل فور میں جگہ بنائی اور آگے کی جانب بڑھ رہا ہے۔
