گال میں بارش کے بعد پاکستان اور سری لنکا کے درمیان کھیلے جارہے پہلے ٹیسٹ میچ میں تیسرے روز کا کھیل شروع ہو گیا ہے۔
پاکستان نے 5 وکٹوں کے نقصان پر 221 رنز سے تیسرے دن کے کھیل کا آغاز کیا۔
پاکستان کی چھٹی وکٹ 278 رنز پر گر گئی، آغا سلمان 83 رنز بنا کر آوٹ ہوگئے۔
سعود شکیل کی سنچری مکمل
پاکستان کے بیٹر سعود شکیل نے اپنی سنچری مکمل کر لی، انہوں نے 129 گیندوں پر 100 رنز مکمل کیے۔
سعود شکیل کے کیریئر کی یہ دوسری سنچری ہے۔
بارش کی وجہ سے تیسرے روز کے کھیل کا آغاز تاخیر سے ہوا۔
واضح رہے کہ ابتدا میں جلد وکٹیں گنوانے کے باوجود سری لنکن ٹیم نے پہلی اننگز میں بورڈ پر 312 کا ٹوٹل سجایا۔
میزبان ٹیم کی جانب سے دھننجایا ڈی سلوا 122 رنز بنا کر ٹاپ اسکورر رہے۔
سری لنکا کے اینجلو میتھیوز نے 64 اور سدیرا سماراوکرما نے 36 رنز بنائے۔
پاکستان کی طرف سے شاہین شاہ آفریدی، نسیم شاہ اور ابرار احمد نے 3، 3 وکٹیں حاصل کیں جبکہ آغا سلمان نے ایک کھلاڑی کو آؤٹ کیا۔
قومی ٹیم کے 5 کھلاڑی 101 رنز پر پویلین لوٹ گئے تھے تاہم آغا سلمان اور سعود شکیل ڈٹ گئے اور پاکستان نے دوسرے روز کے اختتام پر 5 وکٹوں کے نقصان پر 221 رنز بنا لیے ہیں۔
