اندور: بھارت نے دوسرے ون ڈے میچ میں آسٹریلیا کا بھرکس نکال دیا۔
اندور میں کھیلے جارہے دوسرے میچ میں آسٹریلیا نے ٹاس جیت کر فیلڈنگ کا فیصلہ کیا تھا۔ بھارت نے 50 اوورز میں پانچ وکٹوں کے نقصان پر 399 رنز بنائے۔
ہدف کے تعاقب میں آسٹریلیا کی ٹیم کو ابتدا سے ہی مشکلات کا سامنا رہا 9 رنز کے مجموعی اسکور پر دو وکٹیں گریں جبکہ 108 رنز پر 5 کھلاڑی آؤٹ ہوگئے۔
بھارت کے شبمن گل اور شری یاس ائیر نے سنچریاں جبکہ سوریا کمار یادیو اور کے ایل راہول نے نصف سنچریاں جڑ دیں۔ آسٹریلیا کے کیمرون گرین نے 2، جوش ہیزل ووڈ،سئین ایبوٹ اور ایڈم زامپا نے ایک ایک کھلاڑی کو آؤٹ کیا۔
تین ون ڈے انٹرنیشنل میچوں کی سیریز میں بھارت کو 0-1 کی برتری حاصل ہے۔ بھارت نے پہلے ون ڈے میچ میں آسٹریلیا کو 5 وکٹوں سے شکست دی تھی۔ حال ہی میں بھارت ایشیا کپ 2023 کی ٹرافی بھی اپنے نام کرچکا ہے۔
