واپڈا افسران کیلئے مفت بجلی یونٹس کے خاتمے کا وفاقی حکومت کا نوٹیفکیشن پشاور ہائی کورٹ نے معطل کرتے ہوئے فریقین کو نوٹسز جاری کر دیے۔
پشاور ہائی کورٹ میں پیسکو افسران کی مفت بجلی یونٹس خاتمے کے خلاف کیس کی سماعت ہوئی جس میں واپڈا افسران کی مفت بجلی یونٹس خاتمے کا فیصلہ معطل کیا گیا۔
عدالت نے معطل کیا اور فریقین کو نوٹس جاری کرتے ہوئے آئندہ سماعت پر جواب طلب کر لیا۔ وفاقی حکومت اور واپڈا کو نوٹس جاری کیا گیا۔
وکیل نے عدالت کو بتایا کہ پیسکو افسران نے مفت بجلی فراہمی کیلیے درخواست دائر کر دی، 5 دسمبر کو ایک اعلامیہ کے ذریعے سہولت کو ختم کیا گیا تھا، نگراں حکومت کے پاس اس کا اختیار نہیں ہے۔
رواں ماں 6 دسمبر کو بجلی کمپنیوں کے افسران کیلیے مفت بجلی کی سہولت ختم کرنے کا نوٹیفکیشن جاری کیا گیا تھا جس کے مطابق گریڈ 17 سے 21 کے افسران کیلیے مذکورہ سہولت ختم کی گئی تھی۔
نوٹیفکیشن میں بتایا گیا تھا کہ مفت یونٹس کے بجائے افسران کو رقم ملے گی۔ سہولت ختم کرنے کا اطلاق یکم دسمبر سے ہوا تھا۔ فیصلے کا اطلاق ڈسکوز، جنکوز، واپڈا، این ٹی ڈی سی ملازمین پر لاگو ہوا تھا۔
