گزشتہ روز پشاور جوڈیشل کمپلیکس میں ہوئی فائرنگ کے بعد وکلاء نے آج ہڑتال کا اعلان کیا ہے۔
پیر کو پشاور جوڈیشل کمپلیکس میں کی گئی فائرنگ سے سی ٹی ڈی اہلکار سمیت 3 افراد شدید زخمی ہوئے تھے۔
خیبرپختونخوا بار کونسل کی جانب سے ہڑتال کا اعلان کیے جانے کے بعد پشاور سمیت 11 اضلاع میں وکلاء آج عدالتوں میں پیش نہیں ہوں گے۔
پشاور بار کونسل کا کہنا ہے کہ عدالتوں کے سامنے فائرنگ افسوسناک ہے۔
گزشتہ روز پشاور بار ایسوسی ایشن کے صدر اشفاق خلیل نے کہا تھا کہ فائرنگ کا واقعہ پولیس اہلکاروں کی غفلت کا نتیجہ ہے، پولیس سیکورٹی فراہم کرنے میں ناکام نظر آرہی ہے۔
