چیف جسٹس پاکستان قاضی فائز عیسیٰ کے خلاف سوشل میڈیا پر دھمکی آمیز کیمپین (مہم) چلانے والا شخص گرفتار کرلیا گیا۔
ذرائع کے مطابق 20 فروری کو راولپنڈی کے علاقے پنڈورا کے رہائشی عبدالواسع نے چیف جسٹس پاکستان کے خلاف غلیظ اور دھمکی آمیز سوشل میڈیا کمپین میں حصہ لیا، عبدالواسع نے چیف جسٹس کو دھمکیاں دیں، کردار کشی کی سوشل میڈیا کمپین میں حصہ لیا۔
ذرائع کا کہنا ہے کہ قانون نافذ کرنے والے اداروں نے فوری کارروائی کرتے ہوئےعبدالواسع کو حراست میں لے لیا۔
ذرائع کے مطابق چیف جسٹس قاضی فائز عیسیٰ کے خلاف سوشل میڈیا مہم کے باقی کرداروں کی شناخت کا عمل جاری ہے۔
ذرائع نے مزید بتایا کہ مذموم سوشل میڈیا مہم میں حصہ لینے والوں کے خلاف قانونی کاروائی کی جا رہی ہے۔
