اسٹیو اسمتھ اور کین ولیمسن کا پی ایس ایل میں حصہ نہ لینے کا امکان ہے۔
پاکستان سپر لیگ میں غیرملکی کھلاڑیوں کی رجسٹریشن جاری ہے اور آج رجسٹریشن کا آخری دن ہے۔
ذرائع کے مطابق اسٹیو سمتھ اور کین ولیمسن ذاتی و نجی مصروفیات کی وجہ سے پی ایس ایل نہیں کھیلنا چاہتے، پی ایس ایل ٹیکنیکل کمیٹی نے دونوں کھلاڑیوں سے رابطہ کیا تھا۔
پاکستان کرکٹ بورڈ آج مزید تین غیرملکی کھلاڑیوں کے ناموں کا اعلان کرے گا، ڈیوڈ وارنر، ڈیرل مچل، ٹم ساؤتھی، جیسن ہولڈر، ایلکس ہیلز، عثمان خواجہ سمیت دیگر نامور کرکٹرز رجسٹریشن کروا چکے ہیں۔
