اسلام آباد ہائیکورٹ نے ہائی پاور سلیکشن بورڈ پر ایف بی آر افسران کی پروموشن کا عمل روکنے کا حکم امتناع ختم کردیا۔
اسلام آباد ہائیکورٹ کے جسٹس اعجاز اسحاق خان نے ہائی پاور سلیکشن بورڈ پر ایف بی آر افسران کی پروموشن کا عمل روکنے کے حکم امتناع سے متعلق کیس کی سماعت کی۔
دوران سماعت عدالت نے ہائی پاورسلیکشن بورڈ پر ایف بی آر افسران کی پروموشن کا عمل روکنے کا حکم امتناع ختم کردیا اور ہائی پاوربورڈ کو پروموشن بورڈ کے لیےایک ماہ کا وقت دے دیا۔
عدالت نے کہا کہ پروموشن بورڈ کی کارروائی ابھی مکمل نہیں ہوئی، آج عدالت نے اسٹے ختم کردیا اور اب پروموشن بورڈ ایف بی آر افسران کی پروموشن کا ایک ماہ میں فیصلہ کرے۔
