محکمہ موسمیات نے ملک کے کئی علاقوں میں تیز ہواؤں اور گرج چمک کے ساتھ بارش کا امکان ظاہر کیا ہے۔ پیشگوئی کے مطابق، بیشتر علاقوں میں موسم خشک رہے گا، جبکہ شمالی پہاڑی علاقوں میں رات اور صبح کے اوقات میں سردی برقرار رہنے کی توقع ہے۔
اسلام آباد اور اس کے گرد و نواح میں مطلع جزوی طور پر ابر آلود رہنے کا امکان ہے، جبکہ مری، گلیات اور ملحقہ علاقوں میں بارش اور گرج چمک کی توقع کی جا رہی ہے۔ پنجاب کے شہروں گجرات، گوجرانوالہ، راولپنڈی، چکوال، جہلم، تلہ گنگ اور میانوالی میں بھی چند مقامات پر بارش کا امکان ہے۔
خیبرپختونخوا کے دیر، سوات، شانگلہ، ہری پور، مانسہرہ، ایبٹ آباد، چارسدہ، نوشہرہ، پشاور، کوہاٹ، کرک، باجوڑ، کرم اور مالاکنڈ میں بھی بارش کی پیشگوئی کی گئی ہے۔
بلوچستان کے بیشتر اضلاع میں موسم خشک رہے گا، تاہم شمالی اضلاع میں مطلع جزوی طور پر ابر آلود ہو سکتا ہے۔ سندھ کے بیشتر علاقوں میں موسم خشک اور جنوبی اضلاع میں گرم رہنے کی توقع ہے۔
مزید برآں، وزیرستان میں بعض مقامات پر تیز ہواؤں اور گرج چمک کے ساتھ بارش ہو سکتی ہے، جبکہ آزاد کشمیر کے بھی کچھ علاقوں میں بارش کا امکان ظاہر کیا گیا ہے۔
