پاکستان اسٹاک ایکس چینج میں آج شدید مندی کی لہر دیکھنے کو آئی، جہاں ہنڈریڈ انڈیکس میں 1200 پوائنٹس سے زائد کی کمی ہوئی۔
اس کمی کے بعد 100 انڈیکس 1 لاکھ 17 ہزار 200 پر آ گیا۔ سرمایہ کاروں نے اس صورتحال پر تشویش کا اظہار کیا ہے، اور مارکیٹ میں غیر یقینی حالات کے باعث سرمایہ کاری میں کمی دیکھنے کو ملی ہے۔
ماہرین کے مطابق، اس مندی کی لہر کا اثر مارکیٹ میں جاری اتار چڑھاؤ کی وجہ سے ہوا ہے۔
واضح رہے کہ گذشتہ دنوں کاروباری سیشن کے دوران کے ایس ای 100 انڈیکس 118,243.63 کی انٹرا ڈے بلند ترین سطح تک پہنچا، تاہم اختتام پر 972.93 پوائنٹس یا 0.83 فیصد اضافے کے ساتھ 117,974.02 پر بند ہوا۔
مارکیٹ میں آٹوموبائل اسمبلرز، سیمنٹ، کمرشل بینکس، آئل اینڈ گیس ایکسپلوریشن کمپنیز، او ایم سیز، پاور جنریشن اور ریفائنری کے شعبوں میں نمایاں خریداری دیکھی گئی۔
انڈیکس میں زیادہ وزن رکھنے والے اسٹاکس جیسے کہ پی آر ایل، این آر ایل، حبکو، پی ایس او، ماری، او جی ڈی سی، پی پی ایل، ایچ بی ایل، این بی پی اور یو بی ایل مثبت زون میں رہے۔**
