کاروباری ہفتے کے تیسرے روز ملک میں سونے کی قیمت میں استحکام رہا۔ فی تولہ سونا 3 لاکھ 17 ہزار 800 روپے جبکہ 10 گرام سونا 2 لاکھ 72 ہزار 462 روپے کی سطح پر برقرار ہے۔
دنیا میں سونے کے ذخائر کی صورتحال
عالمی سطح پر امریکا سب سے زیادہ سونے کے ذخائر رکھنے والا ملک ہے، جبکہ ایشیا میں چین سرفہرست ہے۔ بھارت عالمی درجہ بندی میں آٹھویں نمبر پر ہے، جبکہ پاکستان 49 ویں نمبر پر موجود ہے۔
ورلڈ گولڈ کونسل کی رپورٹ کے مطابق، 2024 میں مختلف ممالک کے مرکزی بینکوں نے 1,000 میٹرک ٹن سے زائد سونا خریدا، جو پچھلی دہائی کی اوسط سے تقریباً دوگنا ہے۔
اس وقت مرکزی بینک سونے کے سب سے بڑے ذخیرہ کار ہیں اور عالمی سطح پر کان کُنی کے ذریعے نکالے گئے سونے کا تقریباً پانچواں حصہ ان کے پاس موجود ہے۔
