جمعیت علماء اسلام ف کے سربراہ مولانا فضل الرحمٰن نے یہ اعلان کیا ہے کہ 13 اپریل کو کراچی میں اسرائیل کے خلاف ایک بڑا مظاہرہ منعقد کیا جائے گا۔
انہوں نے نیتن یاہو کو جنگی مجرم قرار دیتے ہوئے کہا کہ عالمی عدالت انصاف نے اس کی گرفتاری کا حکم دیا ہے۔
مولانا فضل الرحمٰن نے کہا کہ غزہ کے معصوم بچوں اور شہریوں پر اسرائیل کے مظالم تاریخ کے ایک سیاہ باب کی حیثیت رکھتے ہیں۔
انہوں نے مزید کہا کہ اسرائیل نے امن معاہدہ توڑ کر غزہ پر حملہ کیا، جہاں نہ تو ادویات ہیں اور نہ ہی بنیادی ضروریات کی فراہمی۔
اسلامی دنیا کے حکمرانوں کی خاموشی کو ایک جرم قرار دیتے ہوئے انہوں نے کہا کہ امت مسلمہ کو اپنے حکمرانوں پر سیاسی دباؤ ڈالنا ہوگا۔ 10 اپریل کو مکاتب فکر کا ایک کنونشن بلایا جائے گا، جس میں مشترکہ حکمت عملی طے کی جائے گی۔
