اسلام آباد: قومی فلسطین کانفرنس میں خطاب کرتے ہوئے مفتی تقی عثمانی نے اسرائیل اور اس کے حامیوں کے مکمل بائیکاٹ کی ضرورت پر زور دیا۔
اس کانفرنس میں مختلف مکاتب فکر کے علما اور شرکا نے فلسطین کی موجودہ صورتحال پر گہری تشویش کا اظہار کیا۔
شرکا نے کہا کہ غزہ میں جاری ظلم و ستم کی شدت بڑھ رہی ہے اور 60 ہزار سے زائد فلسطینی اپنی جانیں گنوا چکے ہیں۔
مقررین نے عالم اسلام کے اداروں سے مطالبہ کیا کہ وہ اپنی حکمت عملی کو واضح کریں اور یہ کہ فلسطینیوں کی نسل کشی عالمی ضمیر کی موت کی علامت ہے۔
مفتی تقی عثمانی نے کہا کہ مسلم ممالک پر جہاد فرض ہو چکا ہے اور حکمرانوں کو اپنی ذمہ داریوں کا احساس کرنا چاہیے۔
کانفرنس کے اعلامیے میں یہ مطالبہ کیا گیا کہ اسرائیل کے ساتھ تعلقات ختم کیے جائیں اور مظلوم فلسطینیوں کی حمایت میں عملی اقدامات اٹھائے جائیں۔
