اسلام آباد ائیرپورٹ پر شہری کو تھپڑ مارنے والے اے ایس ایف اہلکار کو برطرف کر دیا گیا۔ سعودی عرب جانے والے مسافر کو اہلکار نے فیملی کے سامنے تھپڑ مارا تھا۔ واقعہ منگل کے روز اسلام آباد ائیرپورٹ پر پیش آیا، مسافر پر تشدد کی ویڈیو سوشل میڈیا پر وائرل ہوئی۔
اسلام آباد ائیرپورٹ پر مسافر کو اہلکار نے فیملی کے سامنے تھپڑ مارنے کے واقعے پر شدید ردعمل سامنے آیا ہے۔ یہ واقعہ منگل کو پیش آیا جہاں مسافر پر تشدد کی ویڈیو سوشل میڈیا پر وائرل ہوئی۔
ویڈیو وائرل ہونے کے بعد عوام کیطرف سے شدید ردِعمل سامنے آیا۔ متاثرہ فیملی نے احتجاج اور انصاف کا مطالبہ کیا تھا۔
ذرائع کے مطابق متاثرہ فیملی کو واقعے کے بعد اے ایس ایف آفس لے جا کر مبینہ طور پر دھمکیاں بھی دی گئیں۔ متاثرہ فیملی پاکستان میں چھٹیاں گزارنے کے بعد واپسی کے لیے ایئرپورٹ پر موجود تھی۔
