ادارۂ شماریات نے ملک بھر میں جانوروں اور مویشیوں کی تازہ ترین رپورٹ جاری کر دی ہے، جس کے مطابق گزشتہ ایک سال کے دوران گدھوں، بھینسوں، بکریوں، اونٹوں اور دیگر مویشیوں کی تعداد میں نمایاں اضافہ ریکارڈ کیا گیا ہے۔
رپورٹ کے مطابق صرف گدھوں کی تعداد میں ہی 1 لاکھ 9 ہزار کا اضافہ ہوا، جس کے بعد ملک میں گدھوں کی مجموعی تعداد 60 لاکھ 47 ہزار تک جا پہنچی ہے۔ گزشتہ سال یہ تعداد 59 لاکھ 38 ہزار تھی۔
ادارۂ شماریات کی رپورٹ میں بتایا گیا ہے کہ:
-
مویشیوں کی کُل تعداد میں 21 لاکھ 71 ہزار کا اضافہ ہوا ہے، جو اب بڑھ کر 5 کروڑ 97 لاکھ 11 ہزار ہو گئی ہے۔
-
بھینسوں کی تعداد میں 13 لاکھ 78 ہزار کا اضافہ ریکارڈ کیا گیا ہے، جس سے ان کی تعداد 4 کروڑ 76 لاکھ 88 ہزار ہو گئی ہے۔
-
بھیڑوں کی تعداد میں 3 لاکھ 88 ہزار کا اضافہ ہوا، جو اب 3 کروڑ 31 لاکھ 19 ہزار ہو گئی ہے۔
-
بکریوں کی تعداد میں 23 لاکھ 58 ہزار کا اضافہ ہوا، جس کے بعد مجموعی تعداد 8 کروڑ 93 لاکھ 93 ہزار تک پہنچ گئی ہے۔
-
اونٹوں کی تعداد میں 14 ہزار کا اضافہ ہوا، اور یہ تعداد اب 11 لاکھ 77 ہزار ہو گئی ہے۔
رپورٹ کے مطابق یہ اعداد و شمار مویشی پال حضرات، دیہی معیشت، اور لائیوسٹاک انڈسٹری کی ترقی کی نشاندہی کرتے ہیں۔
