محکمہ اسکولز ایجوکیشن پنجاب نے صوبے بھر میں موسم گرما کی تعطیلات کا باضابطہ اعلان کر دیا ہے۔ جاری کردہ شیڈول کے مطابق، تمام سرکاری و نجی اسکول یکم جون سے 9 اگست 2025 تک بند رہیں گے۔
محکمہ تعلیم کا کہنا ہے کہ یہ فیصلہ شدید گرمی کے پیش نظر بچوں، والدین اور اساتذہ کی صحت کو مدنظر رکھتے ہوئے کیا گیا ہے تاکہ تعلیمی سرگرمیوں کے دوران کسی قسم کی پریشانی یا طبی مسئلے سے بچا جا سکے۔
محکمہ نے واضح کیا ہے کہ اگر درجہ حرارت میں غیرمعمولی اضافہ ہوا تو تعطیلات مئی کے آخری ہفتے سے بھی شروع کی جا سکتی ہیں۔ والدین اور اساتذہ سے اپیل کی گئی ہے کہ وہ موجودہ موسم کے تناظر میں احتیاطی تدابیر اختیار کریں اور سرکاری ہدایات پر عملدرآمد کو یقینی بنائیں۔
