ٹینیسی: امریکی ریاست ٹینیسی میں اسکائی ڈائیونگ طیارہ حادثے کا شکار ہو گیا، جس میں 20 مسافر اور عملے کے افراد سوار تھے۔ خوش قسمتی سے حادثے میں کوئی جانی نقصان نہیں ہوا، تاہم کئی افراد زخمی ہو گئے۔
حادثہ ٹلہوما ریجنل ایئرپورٹ پر دوپہر 12:30 بجے پیش آیا، جہاں ڈی ہیوی لینڈ ڈی ایچ-6 ٹوِن اوٹر طیارہ اسکائی ڈائیونگ کی مہمات کے دوران گر کر تباہ ہو گیا۔
شہر کے ترجمان لائل رسل کے مطابق، تین زخمیوں کو ہیلی کاپٹر کے ذریعے اسپتال منتقل کیا گیا، جبکہ ایک کو زمین کے راستے لے جایا گیا۔ دیگر افراد کو موقع پر ہی طبی امداد دی گئی۔
فیڈرل ایوی ایشن ایڈمنسٹریشن (FAA) نے حادثے کی تحقیقات شروع کر دی ہیں، جبکہ ٹینیسی ہائی وے پٹرول کے اہلکار بھی موقع پر موجود تھے۔
