اولڈ ٹریفورڈ۔ میزبان انگلینڈ نے پاکستان کو پہلے ٹیسٹ میچ میں 3 وکٹوں سے باآسانی شکست دے دی، میچ کا فیصلہ چوتھے روز ہی ہوگیا۔مانچسٹر ٹیسٹ کی دوسری اننگز میں پاکستانی ٹیم 169 رنز پر ڈھیر ہوئی جس کے بعد انگلینڈ کو جیت کیلئے 277 رنز کا ہدف ملاتھا جو اس نے 7 وکٹوں کے نقصان پر باآسانی حاصل کرلیا۔پاکستان نے چوتھے دن اپنی دوسری اننگز 8 وکٹوں کے نقصان پر 137 رنز سے دوبارہ شروع کی اور آخری دو وکٹوں نے 32 قیمتی رنز جوڑے۔دن کے آغاز میں ہی یاسر شاہ نے جارحانہ اننگز کھیلی لیکن 158 رنز کے مجموعے پر وہ 33 قیمتی رنز بنا کر وکٹوں کے پیچھے آ¶ٹ ہو گئے۔ نسیم شاہ 4 رنز بنا کر آ¶ٹ ہوئے جب کہ محمد عباس 3 رنز پر ناٹ آ¶ٹ رہے۔انگلینڈ کی جانب سے دوسری اننگز میں ہدف کا تعاقب روری برنس اور ڈوم سبلے نے کیا تاہم 22 کے مجموعی سکور پر محمد عباس نے پاکستان کو پہلی کامیابی دلادی جب انہوں نے روری برنس کو 10 رنز پر ایل بی ڈبلیو کیا۔انگلینڈ کی دوسری وکٹ 86 پر گری جب ڈوم سبلے 36 رنز بناکر یاسر شاہ کا شکار بنے۔ 96 کے اسکور پر جوئے روٹ بھی 42 رنز بناکر نسیم شاہ کی گیند پر کیچ آ¶ٹ ہوگئے۔اس کے بعد یاسر شاہ نے بین اسٹوکس کو 9 اور شاہین آفریدی نے اولی پوپ کو 7 پر آ¶ٹ کرکے پاکستان کو جیت کی امید دلائی اور اس موقع پر 117 کے مجموعی اسکور پر انگلینڈ کے 5 کھلاڑی پویلین لوٹ چکے تھے۔تاہم اس موقع پر پاکستانی بولرز ڈھیلے پڑ گئے اور جوز بٹلر اور کرس ووکس چھٹی وکٹ پر 139 رنز کی شاندار پارٹنر شپ قائم کرکے میچ پاکستان کی پہنچ سے دور کردیا۔انگلینڈ کی چھٹی وکٹ 256 کے اسکور پر گری جب جوز بٹلر 75 رنز بناکر پویلین لوٹے تاہم وہ اپنا کام بخوبی انجام دے گئے۔ اس کے بعد اسٹیورٹ براڈ 7 رنز بناکر یاسر شاہ کا شکار ہوگئے۔کرس ووکس 84 رنز بناکر ناقابل شکست رہے اور ان کی شاندار بیٹنگ کی بدولت انگلینڈ نے مطلوبہ ہدف 7 وکٹوں پر حاصل کرلیا۔انگلینڈ کی جانب سے دوسری اننگز میں اسٹیورٹ براڈ نے 3، کرس ووکس اور بین اسٹوکس نے دو، دو کھلاڑیوں کو آ¶ٹ کیا، جوفرا آرچر اور ڈوم بیس کے حصے میں ایک ایک وکٹ آئی۔مانچسٹر ٹیسٹ کی پہلی اننگز میں پاکستانی ٹیم نے شان مسعود کے شاندار 156 رنز اور بابراعظم کے 69 رنز کی بدولت 326 رنز بنائے تھے جس کے جواب میں انگلش ٹیم پہلی اننگز میں 219 رنز پر ڈھیر ہو گئی تھی اور اس طرح پاکستان کو انگلینڈ پر پہلی اننگز میں 107 رنز کی سبقت حاصل ہوئی تھی۔
