اسلام آباد۔وزیر اعظم عمران خان نے کہا ہے ایسا پاکستان بنانا چاہتے ہیں جو دنیا میں ایک عالمی طاقت کے طور پر ابھرے۔
نیشنل ڈیفنس یونیورسٹی میں ری سیٹنگ روبوٹک پاکستان کے عنوان سے منعقدہ قومی سیمینار کے اختتامی سیشن سے خطاب کرتے ہوئے وزیر اعظم نے کہا کہ انفارمیشن اور کمیونیکیشن ٹیکنالوجی کے شعبہ میں روزگار کے بہت مواقع ہیں۔
پاکستان کی نوجوان نسل کو ہنر مند بنانے کی ضرورت ہے حکومت پاکستان کو خود انحصار ملک میں بدلنا چاہتی ہے۔
وزیر اعظم عمران خان کے ہمراہ آرمی چیف جنرل قمر جاوید باجوہ، وفاقی وزیر سائنس و ٹیکنالوجی فواد چودھری،گورنر سندھ عمران اسماعیل اور نیشنل ڈیفنس یونیورسٹی کے صدر لیفٹیننٹ جنرل محمد سعید نے سیمینار میں شرکت کی۔
سیمینار میں ملکی غیر ملکی ماہرین،صنعت کاروں کے نمائندگان، سول اور عسکری اعلیٰ حکام بھی شریک ہوئے۔
اس موقع پر انسٹی ٹیوٹ آف اسٹریٹجک اسٹڈیز ریسرچ این ڈی یو کے ڈی جی نے سفارشات پیش کیں۔
وزیر اعظم عمران خان نے پاکستان کی ری بوٹنگ کے حوالے سے سیمینار سے خطاب میں کہا کہ انفارمیشن اور کمیونیکیشن ٹیکنالوجی کے شعبہ میں روزگار کے بہت مواقع ہیں،پاکستان کی نوجوان نسل کو ہنر مند بنانے کی ضرورت ہے ایسا پاکستان بنانا چاہتے ہیں جو دنیا میں ایک عالمی طاقت کے طور پر ابھرے۔
حکومت انفارمیشن اور کمیونیکیشن ٹیکنالوجی کے شعبہ کے لیے سازگار ماحول اور تعاون فراہم کرے گی۔ وزیر اعظم نے انفارمیشن اور کمیونیکیشن ٹیکنالوجی پر سیمینار کرانے پر یونیورسٹی کی تعریف کی۔
