پاک بحریہ کے نئے سربراہ ایڈمرل امجد خان نیازی نے راولپنڈی میں جنرل ہیڈ کوارٹرز کا دورہ کیا جہاں انہوں نے آرمی چیف جنرل قمرجاوید باجوہ سے ملاقات کی ۔
پاک فوج کے شعبۂ تعلقاتِ عامہ (آئی ایس پی آر) کے مطابق نئے نیول چیف ایڈمرل امجد خان نیازی نے آرمی چیف جنرل قمرجاوید باجوہ سے ملاقات کے دوران پیشہ وارانہ دلچسپی کے امور پر تبادلۂ خیال کیا۔
اس موقع پر آرمی چیف نے ایڈمرل امجد خان کو پاک بحریہ کی کمانڈ سنبھالنے پر مبارک باد دی۔اورجی ایچ کیو پہنچنے پر نیول چیف کو گارڈز آف آنر پیش کیا گیا۔
آرمی چیف نے کہا کہ پاکستان نیوی چیف آف نیول اسٹاف ایڈمرل امجد خان نیازی کی قیادت میں ترقی کی نئی منزلیں طے کرے گی۔
ایڈمرل امجد خان نیازی نے جی ایچ کیو کے دورے کے دوران وہاں واقع یادگارِ شہداء پر پھول رکھے اور فاتحہ خوانی کی۔
