لاہور: محمد زاہد نیشنل ہائی پرفارمنس سنٹرکے باؤلنگ کوچ کے عہدے سے دستبردار ہو گئے۔
نیشنل ہائی پرفارمنس سنٹربننے کے بعد پاکستان کرکٹ بورڈ نے مختلف تقرریاں کیں جن میں باؤلنگ کوچ کی حیثیت سے سابق فاسٹ بولر محمد زاہد کی بھی تقرری شامل تھی۔
نیشنل ہائی پرفارمنس سنٹرکے ہیڈ آف انٹر نیشنل پلئیر ز ڈویلپمنٹ ثقلین مشتاق، فیلڈنگ اور وکٹ کیپنگ کوچ عتیق الزمان کی طرح محمد زاہد بھی انگلینڈ میں رہائش پذیر ہیں اور محمد زاہد دسمبر میں اپنی فیملی کے پاس چھٹیاں گزارنے گئے جس کے بعد واپس نہیں آئے۔
ذرائع کے مطابق محمد زاہد کی فیملی نہیں چاہتی تھی کہ وہ پاکستان جا کر دوبارہ ذمہ داریاں سنبھالیں اور ان کی فیملی محمد زاہد کے ساتھ ہی انگلینڈ میں رہنے کی خواہشمند تھی۔
محمد زاہد لاہور میں اکیلے رہ رہے تھے جس کی وجہ سے مجبوراً انہیں اپنے عہدے سے الگ ہونا پڑا۔
پاکستان کرکٹ بورڈ کے مطابق محمد زاہد نیشنل ہائی پرفارمنس سنٹرکے باؤلنگ کوچ کے عہدے سے دستبردار ہو گئے ہیں، وہ ذاتی وجوہات کی بنا پر عہدے سے دستبردار ہوئے ہیں اور ان کے متبادل کے لیے تقرری کا عمل جلد شروع کیا جائے گا۔
