جہلم: محلہ عیدگاہ میں مردان سے بیاہ کر لائی جانیوالی دلہن زیورات اور نقدی لے کر فرار ہوگئی۔
نجی ٹی وی کے مطابق جہلم میں نئی نویلی دلہن نے سہاگ رات میں اپنے ہی نئے گھر میں ڈکیتی کی واردات کی اور فرار ہوگئی۔
ذرائع نے بتایا کہ جہلم کے محلہ عیدگاہ کے رہائشی لقمان نامی نوجوان کی گزشتہ روز شادی ہوئی اور آج ولیمہ تھا، تاہم سہاگ رات کو دلہن نے دلہے کو نشہ آور چیز کھلا کر بیہوش کردیا اور زیورات اور نقدی لے کر فرار ہوگئی۔
دلہے کے اہل خانہ کاکہنا ہے کہ آج لقمان کے ولیمے کی تقریب تھی اور اہل علاقہ سمیت دیگر رشتے داروں کو بھی مدعو کررکھا تھا لیکن اس خبر کے بعد پورا خاندان پریشانی میں مبتلا اور ولیمے آنے والے مہمانوں کے چہروں پر افسردگی پھیلی ہوئی ہے۔
پولیس کا کہنا ہے کہ لقمان نامی دلہا مردان سے لڑکی بیاہ کر لایا تھا۔
