مسلم لیگ نون کے رہنما، سابق وزیرِ اعظم میاں نواز شریف کے داماد اور مریم نواز کے شوہر کیپٹن ریٹائرڈ صفدر پشاور ہائی کورٹ میں پیشی کے دوران طبیعت ناساز ہو گئی جس پر انہیں روزہ بھی توڑنا پڑ گیا جس کے بعد وہ اسلام آباد کے اسپتال کے لیے روانہ ہو گئے۔
رہنما مسلم لیگ نون علی یوسف زئی کے مطابق کیپٹن ریٹائرڈ صفدر روزے کی حالت میں عدالتِ عالیہ میں پیش ہوئے۔
علی یوسفزئی نے سماجی رابطے کی ویب سائٹ ٹویٹر پر کہا کہ پشاور ہائی کورٹ میں پیشی کے دوران کیپٹن ریٹائرڈ صفدر کی اچانک طبیعت ناساز ہوگئی۔
نون لیگی رہنما نے مزید بتایا ہے کہ طبیعت بگڑنے پر کیپٹن ریٹائرڈ صفدر کو روزہ بھی توڑنا پڑا۔
علی یوسف زئی کے مطابق کیپٹن (ر)صفدر ہائی کورٹ سے اسلام آباد امراضِ قلب کے اسپتال کے لیے روانہ ہوگئے۔
بعد میں سوشل میڈیا پر دوبارہ ٹویٹ کرتے ہوئے علی یوسفزئی نے تصدیق کی کہ کیپٹن ( ر) صفدر کی طبعیت اب بہتر ہے تاہم ڈاکٹروں نے انہیں آرام کا مشورہ دیا ہے۔
