کراچی:نیشنل کمانڈ اینڈ آپریشنز سنٹر (این سی او سی) نے سندھ میں 9 اگست سے لاک ڈاؤن کو ختم کرنے کا اعلان کردیا۔
کراچی اور حیدرآباد میں کورونا کی نئی پابندیوں کا نفاذ ہوگا۔
محکمہ داخلہ سندھ نے کورونا لاک ڈاؤن کے تناظر میں 8 اگست تک سرکاری اداروں کی بندش کا نوٹی فکیشن جاری کیا تھا، جس کے تحت سندھ حکومت کے ماتحت تمام سرکاری دفاتر 31 جولائی سے 8 اگست تک بند کرنے کا اعلان کیا گیا تھا۔
این سی او سی کا مشترکہ اجلاس کراچی میں ہوا، سربراہ این سی او سی اسدعمر،وزیر اعلیٰ سندھ مراد علی شاہ اور نیشنل کوآرڈینیٹر این سی او سی لیفٹیننٹ جنرل حمود الزمان نے اجلاس میں شرکت کی جس میں سندھ خصوصا ًکراچی کی صورتحال کاجائزہ لیا گیا۔
اجلاس کے دوران فیصلہ ہوا کہ سندھ میں لاک ڈاؤن 9اگست کوختم کرنیکافیصلہ کیا گیا ہے، کراچی اور حیدرآباد میں کورونا کی نئی پابندیوں کا نفاذ ہوگا، کورونا کی زیادہ شرح والے علاقوں میں ایس اوپیز پر عملدرآمد سخت کرنے کا فیصلہ بھی ہوا ہے۔
صوبے میں سکولز کھولنے اور امتحانات لینے کا فیصلہ صوبائی وزرائے تعلیم اجلاس میں ہوگا، اجلاس میں سندھ میں ویکسی نیشن کی شرح کو بھی سراہاگیا۔
اجلاس میں یہ بھی فیصلہ کیا گیا کہ محرم اور لاک ڈاؤن ختم ہونے کے پیش نظر کورونا ایس او پیز پر سختی سے عمل درآمد کروایا جائے اور کورونا پر قابو پانے کے لیے سمارٹ لاک ڈاؤن لگایا جائے گا، جب کہ کراچی، حیدر آباد سمیت 13 شہریوں میں کورونا ایس او پیز پر سختی سے عمل درآمد کروانے کا فیصلہ بھی کیا گیا
