دبئی: ٹی 20ورلڈکپ2021کے فائنل میں آسڑیلیا نے نیوزی لینڈ کو 8وکٹوں سے ہرا کر پہلی بار ٹی ٹوئنٹی کا عالمی چیمپئن بن گیا۔
173کا ہدف کینگروز نے صرف2وکٹوں کے نقصان پر19ویں اوور کی پانچویں گیند پرحاصل کیا مچل مارش میچ کے بہترین اور آسڑیلوی اوپنر وانر ورلڈکپ کے بہترین کھلاڑی قرار پائے۔
دبئی میں کھیلے گئے میچ میں آسٹریلیا نے 173کا ہدف2وکٹوں کے نقصان پر19اوور کی پانچویں گیند پر حاصل کرکے پہلی بار ٹائٹل اپنے نام کیا‘ آسڑیلوی کپتان نے ٹاس جیت کر نیوزی لینڈ کو بیٹنگ کی دعوت دی تھی۔
نیوزی لینڈ کے اوپنرز مارٹن گپٹل اور ڈیرل مچل نے مثبت انداز میں اننگز کا آغاز کیا اور ابتدائی اوورز میں کوئی وکٹ نہ گرنے دی۔دونوں نے ٹیم کو 28 رنز کا آغاز فراہم کیا لیکن ہیزل وڈ نے اپنی ٹیم کو پہلی کامیابی دلاتے ہوئے سیمی فائنل کے ہیرو مچل کی اہم وکٹ حاصل کر لی۔
نیوزی لینڈ کو پہلی وکٹ گرنے کے بعد آسٹریلین بالرز کی نپی تلی بالنگ کے سبب رنز بنانے میں مشکلات کا سامنا ہے۔کین ولیمسن کو 21 کے مجموعی اسکور پر ایک موقع ملا جب بانڈری پر موجود جوز ہیزل وڈ ان کا کیچ نہ لے سکے اور گیند بانڈری کے پار چلی گئی۔
ولیمسن نے اس موقع کا فائدہ اٹھایا اور مچل اسٹارک کے اوور میں 19 رنز بنائے اور پھر انہی کی جانب سے کرائے گئے 16ویں اوور میں 22 رنز بنائے۔
مارٹن گپٹل اور ولیمسن کے درمیان 48 رنز کی شراکت قائم ہوئی لیکن زامپا کو چھکا مارنے کی کوشش میں گپٹل مڈ وکٹ بانڈری پر کیچ دے بیٹھے۔تاہم پورے ٹورنامنٹ میں آٹ آف فارم رہنے والے ولیمسن نے فائنل میں بہترین کھیل پیش کرتے ہوئے نصف سنچری مکمل کی۔
آسٹریلیا نے ہدف کا تعاقب شروع کیا تو اوپنرز نے اسکور کو 15 تک پہنچایا ہی تھا کہ تیسرے اوور میں کپتان ایرون فنچ صرف پانچ رنز بنانے کے بعد ٹرینٹ بولٹ کی وکٹ بن گئے۔
پہلی وکٹ گرنے کے بعد ڈیوڈ وارنر کا ساتھ دینے مچل مارش آئے اور دونوں عمدہ بیٹنگ کرتے ہوئے 92رنز سے زائد کی شراکت قائم کر چکے ہیں۔
ڈیوڈ وارنر نے عمدہ فارم کا سلسلہ جاری رکھتے ہوئے نصف سنچری مکمل کی اور 38 گیندوں پر 53 رنزکی اننگز کھیلی لیکن اس مرحلے پر ٹرینٹ بولٹ نے انہیں اپنا شکار کر لیا۔
دوسرے اینڈ سے مچل مارش نے شاندار بیٹنگ کا سلسلہ جاری رکھا اور نسف سنچری اسکور کرنے کے ساتھ ساتھ میکسویل کے ساتھ ناقابل شکست شراکت قائم کر کے آسٹریلیا کو فتح سے ہمکنار کرا لیا۔
آسٹریلیا نے 7 گیند قبل ہی ہدف حاصل کر کے پہلی مرتبہ ٹی20 چیمپیئن بننے کا اعزاز حاصل کر لیا۔
