پاکستانی کوہ پیما سرباز علی خان 8 ہزار میٹر سے بلند 14 میں سے 10 چوٹیاں سر کرنے والے پہلے پاکستانی کوہ پیما بن گئے ہیں۔
ہنزہ سے تعلق رکھنے والے سرباز خان نے یہ منفرد اعزاز گزشتہ روز دنیا کی تیسری بلند ترین چوٹی کن چن جونگا سر کر کے حاصل کر لیا۔
سرباز خان گزشتہ روز کن چن جونگا کے کیمپ فور پر پہنچے تھے۔
سرباز اس سے قبل نانگا پربت، کے ٹو، لوٹسے، بروڈ پیک، مناسلو، اناپورنا، ایوریسٹ، گیشر برم اور داولاگیری سر کر چکے ہیں۔
