پاکستان کرکٹ بورڈ نے سری لنکا اور پاکستان کی خواتین کرکٹرز کی ویڈیو شیئر کی جس میں خواتین کھلاڑیوں کو کراچی میں سیر سپاٹے،اور شاپنگ کرتے دیکھا جاسکتا ہے،خواتین کھلاڑیوں نے جوتے اور کپڑوں کی دکانوں کا دورہ کیا اور اپنے لیے کچھ چیزیں خریدیں۔
کرکٹرز کا کہنا تھا کہ ہمیں اچھا لگ رہا ہے کہ سری لنکا کی ٹیم پاکستان آئی ہے، بہت کم وقت ملتا ہے، اس لیے شاپنگ کرنا اچھا لگتا ہے۔
کھلاڑیوں نے کہا کہ کورونا کی وجہ سے حالات متاثر ہوئے تاہم اب چیزیں بہتر ہیں۔
ویڈیو میں دیکھا جاسکتا ہے کہ خواتین کھلاڑیوں نے جوتے اور کپڑوں کی دکانوں کا دورہ کیا اور اپنے لیے کچھ چیزیں خریدیں۔
خیال رہے کہ پاکستان نے سری لنکا کو 3 میچوں کی ٹی ٹوئنٹی سیریز میں وائٹ واش کیا جب کہ دونوں ٹیموں کے درمیان تین ون ڈے انٹرنیشنل میچز پر مشتمل سیریز کا آغاز بدھ کو ساؤتھ اینڈ کلب سے ہوگا۔
