اسلام آباد:وفاقی حکومت نے ہزاروں غیر فعال سرکاری بینک اکاؤنٹس بند کرنے کا فیصلہ کرلیا۔
اس حوالے سے وزارت خزانہ نے کہا ہے کہ اسٹیٹ بینک کے ذریعے کمرشل بینکوں کو ہدایت جاری کردی۔
نوٹی فکیشن میں کہا گیا ہے کہ وفاقی حکومت کیش مینجمنٹ اینڈٹریژری سنگل اکاؤنٹ پالیسی پرعمل پیرا ہے، نئی پالیسی کے تحت تمام سرکاری فنڈز سنگل اکاؤنٹ میں جمع کئے جارہے ہیں۔
وزارت خزانہ کا کہنا تھا کہ فیڈرل کنسالیڈیٹڈ فنڈ کے سواکسی اوراکاؤنٹ میں فنڈزرکھنے کی ممانعت ہے۔
زیروبینک بیلنس کے حامل ہزاروں سرکاری غیرفعال بینک اکاؤنٹس موجود ہیں۔
وزارت خزانہ نے بتایا کہ پہلے سے کھولے گئے سرکاری بینک اکاؤنٹس بند کرنے کا فیصلہ کر لیا گیا ہے۔
