اسلام آباد: پیٹرولیم مصنوعات کی قیمتوں میں ایک بار پھربڑے اضافے کا امکان ہے، اوگرا نے سمری حکومت کو ارسال کردی۔ پیٹرولیم مصنوعات کی قیمتوں پر حتمی فیصلہ وزیراعظم کی منظوری سے آج کیا جائے گا۔
میڈیا ذرائع کے مطابق آئل اینڈ گیس ریگولیٹری اتھارٹی (اوگرا) نے پیٹرولیم مصنوعات کی قیمتوں میں 55 روپے فی لیٹر تک اضافے کی سمری حکومت کو ارسال کردی ہے،تاہم پیٹرولیم مصنوعات کی قیمتوں پر حتمی فیصلہ وزیراعظم کی منظوری سے آج کیا جائے گا۔
اوگرا نے حکومت کو تجویز دی ہے کہ پیٹرول 29 جبکہ ڈیزل 55 روپے فی لٹر مہنگا کیا جائے۔ پیٹرولیم مصنوعات کی قیمتوں پر حتمی فیصلہ حکومت آج کرے گی۔
امکان ظاہر کیا جارہا ہے کہ وزیراعظم شہباز شریف پیٹرولیم مصنوعات کی قیمتوں میں اضافے کی منظوری دیں گے۔
واضح رہے کہ پیٹرول کی موجودہ قیمت 209 روپے 86 پیسے، ڈیزل 204.15 روپے فی لیٹر، لائٹ ڈیزل 178 روپے 03 پیسے جبکہ مٹی کا تیل 181.94 روپے فی لیٹر میں دستیاب ہے۔
