میڈیا ذرائع کے مطابق وزارت سائنس اینڈ ٹیکنالوجی نے بھنگ کی کاشت کو قانونی شکل دینے کیلئے پالیسی تیار کر لی ہے جس کے تحت قومی ہیمپ اور بھنگ اتھارٹی سرمایہ کاروں کو صنعتی ہیمپ اور بھنگ کا لائنس جاری کرے گی،لائسنس ہولڈربھنگ کی خریداری، بیجوں کی درآمد اور کاشت کرنے کا مجاز ہو گا، لائسنس ہولڈر کو دس ایکٹر زمین رکھنا ہوگی اور لائسنس پندرہ سال کیلئے جاری کیا جائے گا۔
پالیسی کے تحت اتھارٹی کے بورڈ آف گورننس میں چھ وزاتوں اور صوبائی چیف سیکرٹریز کی نمائندگی ہوگی جس سے بھنگ کی خریداری، بیج کی درآمد ،کاشت کاری، ٹرانسپورٹیشن پر انسداد منشیات فورس کی کڑی نگرانی ہوگی۔
بھنگ کی کاشت مینوفیکچرنگ پودے لگانے کے معیار کے سیکیورٹی پروٹوکولز بھی انسداد منشیات ڈویژن دیکھے گی،انسداد منشیات فورس سرمایہ کاروں کے متعارف کردہ بیج کا آڈٹ کرے گی۔
اتھارٹی سرمایہ کاروں کو صنعتی ہیمپ اور بھنگ کا لائنس جاری کرے گی، پالیسی کی حتمی منظوری وفاقی کابینہ سے لی جائے گی۔
