برمنگھم میں جاری کامن ویلتھ گیمز میں قومی ریسلر محمد طاہر شریف فائنل میں پہنچ گئے۔
ریسلنگ مقابلے میں پاکستان کے محمد طاہر شریف نے 74 کلو گرام کیٹیگری میں نیوزی لینڈ کے کول ہاکنز کو ہرا کر فائنل میں رسائی حاصل کی۔
دوسری جانب پاکستان کے طیب رضا 97 کلو گرام کیٹیگری کا سیمی فائنل ہار گئے انہیں کینیڈا کے نیشان رندھاوا نے شکست دی۔
پاکستان کے علی اسد کو بھی 54 کلو گرام کیٹیگری کے سیمی فائنل میں شکست ہوئی، قومی ریسلر علی اسد کو بھارت کے روی کمار نے شکست دی۔
واضح رہے کہ پاکستان اب تک ایک گولڈ ، 2 سلور اور دو برانز میڈل جیت چکا ہے۔
اس سے قبل نوح بٹ نے ویٹ لفٹنگ میں پاکستان کے لیے گولڈ میڈل جیتا ، انعام بٹ نے ریسلنگ میں سلور جبکہ شاہ حسین نے جوڈو میں اور عنایت اللہ نے ریسلنگ میں کانسی کا تمغہ حاصل کیا۔
