”فٹبال کے بادشاہ“پیلے چل بسے

دنیا میں اب تک کے سب سے عظیم فٹ بالر سمجھے جانے والے پیلے تین ورلڈ کپ جیتنے والے واحد کھلاڑی ہیں جس نے پہلا کپ نوعمری میں جیتا۔ جمعرات کے روز 82 برس کی عمر میں یہ برازیلی فٹبالرچل بسے۔پیلے کینسر، گردے اور قلب کے عارضے میں مبتلا تھے۔ انہیں 29 نومبر کو ہسپتال میں داخل کرایا گیا تھا۔ حالانکہ ستمبر 2021 سے ہی ان کا ساوپولو کے البرٹ آئنسٹائن ہسپتال میں مستقل علاج چل رہا تھا جب بڑی آنت سے ٹیومر نکالنے کے لئے سرجری کرائی تھی۔ان کی بیٹی کیلی ناسیمینٹو نے انسٹاگرام پر ایک تصویر شیئر کرکے پیلے کے انتقال کی اطلاع دی۔ اس تصویر میں ان کے خاندان کے افراد کو پیلے کی لاش پر ہاتھ رکھے ہوئے دیکھا جاسکتا ہے۔پیلے کے آفیشل انسٹا گرام اکاونٹ پر ایک پوسٹ میں لکھا گیا کہ پیلے نے ”کھیل میں اپنی ذہانت سے دنیا کو مسحور کیا اور محبت کا پیغام پھیلانے میں مدد کی“بیان میں مزید کہا گیا ہے،”ان کا آج کا پیغام آنے والی نسلوں کے لئے میراث بن گیا ہے۔ پیار، پیار اور پیار، ہمیشہ کے لئے“پیلے برازیل کی قومی ٹیم کے لئے اب تک کے سب سے زیادہ گول کرنے والے کھلاڑی ہیں۔ انہوں نے 92 میچوں میں 77 گول کئے پیلے برازیل کی قومی ٹیم کے لئے اب تک کے سب سے زیادہ گول کرنے والے کھلاڑی ہیں۔ انہوں نے 92 میچوں میں 77 گول کئے‘پیلے برازیل کی قومی ٹیم کے لئے اب تک کے سب سے زیادہ گول کرنے والے کھلاڑی ہیں‘پیلے کی موت کی خبر پھیلتے ہی دنیا بھر سے تعزیتی پیغامات کا سلسلہ شروع ہو گیا ہے۔ برازیل کی حکومت نے آنجہانی فٹ بال اسٹار کے لئے تین دنوں کے قومی سوگ کا اعلان کیا ہے‘برازیل کے نو منتخب صدر لوئز اناسیو لولا ڈی سلوا نے پیلے کو خراج عقیدت پیش کرتے ہوئے ٹوئٹر پر لکھا کہ وہ آنجہانی اسٹار کو کھیلتے ہوئے دیکھ کر کس قدر فخر محسوس کرتے تھے۔لوئزانا نے برازیل کی قومی ٹیم کے لئے کھیلتے ہوئے ان کی جرسی کا حوالہ دیتے ہوئے کہا”ان جیسا نمبر 10 کوئی کبھی نہیں رہا“برازیل کے سپر اسٹار فٹبالر نیمار جونیئر نے لکھا”پیلے نے سب کچھ بدل دیا، وہ غریبوں اور سیاہ فام لوگوں کی آواز بن کر ابھرے اور برازیل کو دنیا بھر میں ایک نمایاں مقام دلایا“برازیل کی بی ایس ایف فٹ بال فیڈریشن نے کہا کہ پیلے نے ”ہمیں ایک نیا برازیل دیا اور ہم ان کی میراث کے لئے صرف ان کا شکریہ ادا کرسکتے ہیں“پرتگالی فٹبالر کرسٹیانو رونالڈو نے اپنے انسٹا گرام پیج پر پیلے کو خراج عقیدت پیش کرتے ہوئے برازیل کے عوام کے ساتھ تعزیت کا اظہار کیا۔ انہوں نے لکھا کہ ”کنگ پیلے کی موت سے فٹبال کی دنیا کو بہت تکلیف پہنچی ہے“حالیہ فٹ بال ورلڈ
 کپ جیتنے والی ارجنٹینا کی ٹیم کے کپتان لیونل میسی نے بھی اپنے انسٹا گرام پوسٹ میں فٹبال کے بادشاہ کو خراج عقیدت پیش کی ہے۔قطر میں حالیہ ورلڈ کپ کے فائنل میں ارجنٹینا کے خلاف فرانسیسی ٹیم میں اہم کردار ادا کرنے والے کھلاڑی کائلان ایمباپے نے ٹوئٹر پر تعزیت کا اظہار کیا ہے۔ایمباپے نے لکھا،”فٹ بال کے بادشاہ ہمیں چھوڑ کر چلے گئے، لیکن ان کی میراث کو کبھی فراموش نہیں کیا جا سکے گا“دنیا بھر کے فٹبال کلبوں نے بھی پیلے کی وفات پر تعزیت کا اظہار کیا ہے، ان میں چیلسی ایف سی، مانچسٹر یونائٹیڈ، انگلینڈ کی قومی فٹ بال ٹیم اور کروشیا کی فٹ بال فیڈریشن شامل ہے‘جرمن فٹ بال ایسوسی ایشن (ڈی ایف بی)نے ٹوئٹر پر لکھا کہ ”جرمن فٹ بال سوگ میں ہے۔ ہم بلاشبہ آپ کو نہیں بھول سکتے“عالمی رہنماوں نے بھی پیلے کی وفات پر تعزیت کا اظہار کیا ہے۔ فرانسیسی صدر ایمانوئل ماکروں نے ٹوئٹر پر لکھا”کھیل، بادشاہ، جاودانی“پیلے تاریخ کے واحد کھلاڑی ہیں جنہوں نے تین ورلڈ کپ(1958ء، 1962ء اور 1970 ء)جیتے ہیں پیلے نے نو برس کی عمر میں اپنے والد کو یقین دہانی کروائی تھی کہ آپ مت روئیں میں اگلی مرتبہ برازیل کے لئے ورلڈ کپ جیتوں گا اور سترہ برس کی عمر میں انہوں نے اپنے ملک و قوم کے لئے برازیل کی ٹیم کو ورلڈ کی جتوایا اور دنیا کو حیران کر دیا‘پیلے کی موت کے وقت ان کے اثاثے 100 ملین امریکی ڈالر تھے جو پاکستانی روپوں میں 22 ارب روپے بنتے ہیں۔