پاکستان سے روزانہ لاکھوں ڈالر افغانستان اسمگل ہو رہے ہیں، بلومبرگ

غیر ملکی جریدے بلومبرگ نے رپورٹ میں کہا ہے کہ پاکستان سے روزانہ لاکھوں ڈالر افغانستان اسمگل ہو رہے ہیں۔

بلومبرگ کی رپورٹ کے مطابق ڈالر کی اسمگلنگ سے پاکستان میں معاشی بحران بڑھ رہا ہے۔

ایکسچینج کمپنیز ایسوسی ایشن آف پاکستان کے جنرل سیکرٹری محمد ظفر پراچہ نے بلومبرگ کو انٹرویو میں کہا کہ تاجر اور سمگلر روزانہ 5 ملین ڈالر سرحد پار سے لا رہے ہیں۔

بلومبرگ کی رپورٹ کے مطابق افغانستان کا مرکزی بینک ہر ہفتے 17 ملین ڈالر مارکیٹ میں انجیکٹ کرتا ہے، امریکا، یورپ نے طالبان حکومت کو اربوں ڈالر کی فراہمی سے انکار کیا ہے۔

ظفر پراچی نے انٹرویو میں کہا کہ بغیر کسی شک کے پاکستان سے ڈالر اسمگل کی جارہی ہے، یہ کافی منافع بخش کاروبار بن گیا ہے۔