کراچی: پاکستان کرکٹ ٹیم کے سابق کوچ مکی آرتھر کو قومی کرکٹ ٹیم کا ڈائریکٹر مقرر کردیا گیا۔
ذرائع کے مطابق مکی آرتھر قومی ٹیم کی پلاننگ سمیت دیگر معاملات کی نگرانی کریں گے اور رواں سال ورلڈکپ میں قومی کرکٹ ٹیم کے ہمراہ ہوں گے۔
واضح رہے کہ مکی آرتھر دو روز قبل اسلام آباد پہنچے تھے اور انہوں نے نیوزی لینڈ کیخلاف ٹی ٹوئنتٹی سیریز میں مصروف قومی ٹیم کے کھلاڑیوں سے ملاقات بھی کی تھی۔
یاد رہے کہ مکی آرتھر کی سفارشات پر ہیڈ کوچ گرانٹ بریڈ برن اور بیٹنگ کوچ اینڈریو پیوٹک کا تقرر پہلے ہی کیا جاچکا ہے جو اس وقت قومی اسکواڈ کے ساتھ موجود ہیں۔
