راولپنڈی: پاکستان نے پہلے ایک روزہ میچ میں نیوزی لینڈ کو5وکٹوں سے شکست دیدی، نیوزی لینڈ نے پاکستان کو 289رنز کا ہدف دیا تھا جو کہ پاکستان نے 9 بالز قبل حاصل کرلیا۔
فخر زمان نے شاندار سنچری سکور کرتے ہوئے پاکستان کی جیت میں اہم کردار ادا کیا، کپتان بابر اعظم نے 49جبکہ امام الحق نے 60 رنز سکور کئے.
راولپنڈی میں کھیلے جانیوالے پہلے ایک روزہ میچ میں نیوزی لینڈ نے پاکستان کی دعوت پر پہلے بیٹنگ کرتے ہوئے مقررہ 50 اوورز میں 7 وکٹوں کے نقصان پر 288 رنز اسکور کیے۔
نیوزی لینڈ کی جانب سے ڈیرل مچل 113 رنز کی شاندار اننگ کھیل کر نمایاں رہے۔
وِل ینگ 86، ٹام لیتھم 20، چیڈ باؤز 18، مارک چیپ مین 15 اور روندرا رچن 9 رنز بنا کر آؤٹ ہوئے۔ہینری نکلس 20 رنز بنا کر ناٹ آؤٹ پویلین لوٹے۔
پاکستان کی جانب سے نسیم شاہ، شاہین شاہ آفریدی اور حارث رؤف نے 2، 2 جبکہ شاداب خان نے 1 وکٹ حاصل کی۔
