پاکستانی معیشت کے لیے اچھی خبر آگئی۔ یواےای نے کراچی پورٹس کے ٹرمینل آپریشنز کیلئے 1.8 ارب ڈالر کی پیشکش کر دی۔
ذرائع کے مطابق ابوظہبی پورٹ گروپ 1.8 ارب ڈالر کی سرمایہ کاری کا خواہش مند ہے۔ ابوظہبی کےگروپ کو کراچی پورٹس کا ٹرمینل 5 سال کی لیز پر دینےکی تیاریاں کی جارہی ہیں۔
وفاقی حکومت ابوظہبی کے ساتھ معاہدہ جلد مکمل کرنے کے لیے متحرک ہے۔ ابوظہبی پورٹس کراچی پورٹ ٹرمینلز میں پی آئی سی ٹی کےانتظامی کنٹرول کامعاہدہ متوقع ہے۔
ذرائع کا کہنا ہے کہ ابوظہبی پورٹس کراچی پورٹ ٹرسٹ سے معاہدہ کرنے جارہی ہے۔ اس سلسلے میں اعلیٰ سطح وفد کراچی میں ٹرمینل چلانے کے معاہدے پر دستخط کیلئے 21 جون کو کراچی پہنچےگا۔
ابوظہبی پورٹس دنیاکےسب سےبڑےپورٹ آپریٹرمیں سےایک ہے۔ ابوظہبی پورٹس مختلف بندرگاہوں کےبنیادی ڈھانچےبشمول پی آئی سی ٹی میں سرمایہ کاری کرے گا۔
بلک کارگو ٹرمینل وغیرہ کے آپریشن میں 1.8 بلین امریکی ڈالرکی سرمایہ کاری ہو گی۔ برادرملک مختلف شعبوں میں براہ راست غیرملکی سرمایہ کاری کیلئے دلچسپی رکھتا ہے۔
ابوظہبی میری ٹائم سیکٹرمیں سرمایہ کاری کیلئےپاکستان کی حمایت کیلئے پیش پیش ہے۔ وفد میں اے ڈی پورٹس کےحکام بھی شامل ہوں گے۔ پاکستان انٹرنیشنل کنٹینر ٹرمینل کا نیانام کراچی گیٹ وے ٹرمینل لمیٹڈ ہو گا۔ معاہدے پر ایڈپورٹس اور کےپی ٹی 22 جون کو دستخط کریں گے۔
