اسلام آباد : وزیرخزانہ اسحاق ڈار نے امریکی سفیر ڈونلڈ بلوم سے آئی ایم ایف سے ڈیڈلاک ختم کرانے میں کردار ادا کرنے کی درخواست کردی۔
تفصیلات کے مطابق وزیرخزانہ اسحاق ڈار سے پاکستان میں امریکہ کے سفیر ڈونلڈ بلوم کی ملاقات کی ہوئی ہے، جس میں ملکی معاشی صورت حال پر تبادلہ خیال کیا گیا ہے۔
اعلامیے میں کہا گیا کہ وزیر خزانہ نے امریکی سفیر کو معاشی اصلاحات سے آگاہ کرتے ہوئے آئی ایم ایف سے ڈیڈ لاک ختم کروانے میں کردارادا کرنے کی درخواست کردی۔
امریکی سفیر نے وزیرخزانہ کو آئی ایم ایف سے معاہدہ کیلئے تعاون کی یقین دہانی کرائی۔
گذشتہ روز وزیرخزانہ اسحاق ڈار کی برطانیہ کے وزیرمملکت برائے خارجہ سے ورچوئل میٹنگ ٓہوئی تھی ، جس میں اسحاق ڈار نے اینڈریو مچل کو9 ویں جائزے متعلق آئی ایم ایف مذاکرات پرپیشرفت سے آگاہ کیا تھا۔
وزیرخزانہ نے برطانوی وزیر سے آئی ایم ایف سے معاہدے کرنے میں مدد کی درخواست کی تھی، جس پر برطانوی وزیر نے وزیرخزانہ کو آئی ایم ایف سے معاہدہ کیلئے تعاون کی یقین دہانی کرائی تھی۔
