شاپنگ مالز کی بات کی جائے تو امریکہ کو شاپنگ مالز کا گھر سمجھا جاتا ہے جہاں 100,000 سے زائد شاپنگ مالز ہیں، لیکن دنیا کے سب سے بڑے شاپنگ مال کی بات کی جائے تو اس کا اعزاز دراصل امریکہ کے سب سے بڑے حریف ایران کے پاس ہے۔
تہران کے شمال مشرق میں واقع ایران مال 21 ملین اسکوائر فٹ کے رقبے پر محیط ہے اور سات منزلوں پر مشتمل ہے۔ 2014 سے 1,200 سے زائد ٹھیکیداروں اور تقریباً 25,000 مزدوروں نے دنیا کے سب سے بڑے شاپنگ مال کو حقیقت بنانے کے لیے چوبیس گھنٹے کام کیا۔
2018 میں تعمیر کا پہلا مرحلہ مکمل ہوا اور 1 مئی 2018 کو 708 دکانیں اس میں کھولی گئیں۔ اسی سال ایران مال نے دنیا کے سب سے طویل مسلسل کنکریٹ ڈالنے کا گنیز ریکارڈ قائم کیا۔ کئی ٹن کنکریٹ مسلسل 6 دن تک ڈلتی رہی۔
تفریح کے لحاظ سے ایران مال ایک متاثر کن تفریحی پارک، چھت پر ٹینس کورٹ، ایک کنونشن سینٹر، ایک ہوٹل اور متعدد کانفرنس ہالز کی آماجگاہ بھی ہے۔ علاوہ ازیں اب ایک نیا 5 اسٹار ہوٹل اور جدید اسپورٹس سینٹر جلد ہی کھلنے والا ہے۔
