ڈبلیو ڈبلیو ای ریسلرز نے بھارتی گانے ’’ناچو ناچو‘‘ پر ڈانس کرکے سب کو حیران کردیا۔
ریسلنگ کا کھیل یوں تو شدید لڑائی اور مار دھاڑ کیلئے مشہور ہے لیکن بھارت کے شہر حیدرآباد میں گزشتہ ہفتے ہونیوالے ریسلنگ کے ایونٹ میں عالمی شہرت یافتہ ریسلرز نے بالی ووڈ کے گانے ناچو ناچو پر رقص کرکے سب کو خوشگوار حیرت میں مبتلا کردیا۔
ایونٹ کے دوران عالمی شہرت یافتہ ریسلرز ڈریو میکانٹائر، جندر محل، سمی زین اور کیون اوونز بالی ووڈ کے آسکر ایوارڈ یافتہ گانے پر رقص کرتے نظر آئے جس کی ویڈیو انٹرنیٹ پر وائرل ہوئی ہے۔
ریسلرز کی طرف سے دوستی کے اس مظاہرے نے مداحوں کے مابین نئی بحث چھیڑ دی ہے۔
سوشل میڈیا صارفین اسے بھارتی فلمی صنعت کی مقبولیت قرار دے رہے ہیں تاہم کچھ لوگوں کا کہنا ہے کہ ڈبلیو ڈبلیو ای گانوں اور رقص کیلئے موزوں جگہ نہیں۔
