نگراں وزیراعظم انوار الحق کاکڑ سے لندن کی کیپیٹل ایںڈ فنانشل مارکیٹ کے سینئر رہنماؤں نے ملاقات کی ہے۔
نگراں وزیراعظم نے لندن کی کیپیٹل ایںڈ فنانشل مارکیٹ کے سینئر رہنماؤں کے وفد کو حکومت کے معاشی منظر نامے سے آگاہ کیا۔
انوار الحق کاکڑ نے آئی ایم ایف معاہدے کے مثبت اثرات اور کرنسی کے استحکام سے وفد کو آگاہ کیا۔
نگراں وزیراعظم نے اہم شعبوں میں براہ راست غیر ملکی سرمایہ کاری کے امکانات اور بیرونی کھاتوں کی بہتری کیلئے حکومتی اقدامات پر روشنی ڈالی۔
اس موقع پر انوار الحق کاکڑ کا کہنا تھا کہ حالیہ اتنظامی اقدامات نے پاکستانی روپے کو امریکی ڈالرکے مقابلے میں مضبوط کیا۔
انھوں نے کہا کہ عالمی بینک، ایشیائی ترقیاتی بینک اور دوست ممالک کی جانب سے رقوم آئیں۔
