بینک آف اسرائیل نے پہلی بار 30 بلین ڈالرز کی غیر ملکی کرنسی اوپن مارکیٹ میں بیچنے کا اعلان کر دیا۔
بیان میں کہا گیا ہے کہ صورت حال اور مارکیٹس کا جائزہ لیتے رہیں گے اور جو بھی حالات ہوں گے ان کے مطابق تمام دستیاب طریقہ عمل کے ساتھ کام کریں گے۔
بیان میں یہ بھی کہا گیا ہے کہ سوئپ میکنیزم کےذریعے مارکیٹ میں 15 بلین ڈالرز تک لیکویڈٹی فراہم کریں گے۔
بین الاقوامی میڈیا کی رپورٹ کے مطابق بینک آف اسرائیل کے اعلان سے قبل اسرائیلی کرنسی کی قدر ساڑھے 7 سال کی کم ترین سطح پر ریکارڈ کی گئی تھی۔
رپورٹ میں یہ بھی بتایا گیا ہے کہ بینک آف اسرائیل کا یہ اقدام حماس کے حملوں کے دوران کرنسی کی گرتی قدر سنبھالنےکے لیے لیا گیا ہے۔
