فلسطین کے محصور شہر غزہ میں زخمیوں کا علاج کرنے والی خاتون ڈاکٹر کی اسرائیلی طیاروں کی بمباری میں شوہر کی شہادت کی خبر پر ردعمل کی ویڈیو وائرل ہوگئی۔
اسرائیل کی جانب سے غزہ پر فضائی حملے جاری ہیں اور اب تک کی اطلاعات کے مطابق اسرائیلی حملوں میں 560 فلسطینی شہید اور 2900 زخمی ہوچکے ہیں۔
اسرائیلی فورسز کی جانب سے غزہ پر ہر تھوڑی دیر میں بم برسائے جا رہے ہیں اور زخمیوں کی بڑی تعداد غزہ کے اسپتالوں میں لائی جار ہی ہے۔
غزہ کے اسپتال میں زخمیوں کا علاج کرنے والی خاتون ڈاکٹر کی دل پگھلادینے والی ویڈیو وائرل ہوگئی۔
فلسطینی میڈیارپورٹس کے مطابق خاتون ڈاکٹر غزہ کے اسپتال میں زخمیوں کے علاج میں مصروف تھیں کہ اسرائیلی بمباری میں شوہر کی شہادت کی خبر ملی۔
ویڈیو میں دیکھا جا سکتا ہے کہ خاتون شوہر کے انتقال کی خبر پاکر روتے ہوئے اسپتال کے صحن میں جا رہی ہیں۔
