سائنس دانوں کا خیال ہے کہ 2035 تک چاند پرفٹ بال کھیلی جا سکتی ہے، جس کوکھیلنے کا اندازممکنہ طورپر دنیا میں کھیلے جانے سے مختلف ہوگا۔ اِنسٹی ٹیوشن آف انجینئرنگ اینڈ ٹیکنالوجی (آئی ای ٹی) کے ماہرین نے چاند پر فٹبال کے میچ کے حوالے سے دلچسپ منصوبہ پیش کیا ہے۔ ماہرین کے مطابق چاند پر کھیلے جانے والے میچ میں دونوں ٹیمیں پانچ کھلاڑیوں پرمشتمل ہوں گی اورکھیل 10 منٹ کے چارکوارٹرزمیں کھیلا جائے گا۔ہرکوارٹر کے درمیان کھلاڑیوں کو 20 منٹ کا وقفہ دیا جائے گا۔ سائنس دانوں کا کہنا تھا کہ چاند کی سطح پر کھلاڑی روایتی کپڑے پہن کر کھیل نہیں کھیلیں گے بلکہ بھاری بھرکم خلائی سوٹ پہن کر میدان میں اتریں گے جن کے اندر کولنگ سسٹم نصب ہوگا۔ میچ سپروائز کرنے کی ذمہ داری انسان پر نہیں بلکہ ورچوئل اسسٹنس ریفری سے قریب تر ریفریز پر ہوگی۔یعنی ہولوگرام ریفری پچ پر دوڑتے نظرآئیں اور ورچوئل ریڈ اور ییلو فلیگز دِکھائیں گے۔ ماہرین کاماننا ہے کہ چاند پرکھیلے جانیوالے میچز کا دورانیہ آدھا ہونا چاہیئے تاکہ کھلاڑیوں کی حفاظت کا خیال رکھا جاسکے۔ 20 منٹ کا وقفہ ٹیم کو تروتازہ ہونے میں مدد دینے کے ساتھ آلات کی مرمت کرنے میں بھی مدد دے گا۔
