واشنگٹن:امریکی وزیر خارجہ انٹونی بلنکن کو اسرائیل کی حمایت میں گفتگو کے دوران شدید سبکی کا سامنا کرنا پڑ گیا۔
امریکی سینیٹ کمیٹی میں امریکی وزیر خارجہ انٹونی بلنکن کی تقریر کے دوران سیو فلسطین، جنگ بند کرو اور اسرائیلی بربریت بند کرو کے نعرے لگ گئے۔
امریکی وزیر خارجہ بولتے بولتے چپ ہو گئے اور سکیورٹی اہلکار نعرے لگانے والوں کو ایک ایک کر کے ہال سے باہر لے جاتے رہے۔
مظاہرین کے مطابق امریکا غزہ میں وحشیانہ قتل عام کی حمایت بند کرے، 66فیصد امریکی جنگ بندی چاہتے ہیں۔
احتجاج کرنے والوں نے کہاکہ ہمارا مطالبہ ہے کہ امریکی حکومت اسرائیل کو غزہ میں وحشیانہ قتل عام کیلئے فنڈنگ دینا بند کرے جبکہ ایک نوجوان لڑکی نے کہاہے کہ غزہ کے لوگ جانور نہیں انسان ہیں۔
امریکی وزیر خارجہ کی تقریب کے دوران احتجاج کا یہ واقعہ واشنگٹن ڈی سی کیپیٹل ہل میں 31اکتوبر کو پیش آیا تھا۔
