مقبوضہ بیت المقدس:برطانوی اخبار نے اسرائیلی فوج کی بمباری سے متعلق انکشاف کرتے ہوئے بتایا ہے کہ غزہ کے جبالیہ کیمپ پر اسرائیلی فضائیہ نے 900 کلو گرام کے دو بم گرائے۔
برطانوی اخبار کی رپورٹ کے مطابق اسرائیل نے ہونے والے حملے میں دوسرا سب سے بڑا بم استعمال کیا۔
ہزاروں بے گھر فلسطینیوں کی پناہ گاہ بنے اقوام متحدہ کے الفخورا اسکول پر بھی بمباری کر دی، حماس کے سربراہ اسماعیل ہنیہ کے گھر پر بھی ڈرون حملہ کردیا۔
7 اکتوبر سے اب تک فلسطینی شہدا کی تعداد 9,488 ہوگئی، جن میں 70 فیصد بچے اور خواتین شامل ہیں جبکہ 25 ہزار سے زائد زخمی ہیں۔
طبی عملے کے 150 افراد بھی جاں بحق ہوئے، 70 سے زائد اقوام متحدہ کارکن بھی مارے گئے۔
