اسلامی تحریک مزاحمت(حماس) نے کہا ہے کہ اسرائیلی فضائی حملوں کی وجہ سے 60 یرغمالی لاپتا ہو گئے ہیں۔
عرب میڈیا کے مطابق حماس کے عسکری بازو عزالدین القسام بریگیڈ کے ترجمان ابو عبیدہ نے سوشل میڈیا پلیٹ فارم ٹیلی گرام پر بتایا کہ 7 اکتوبر کے حملے کے دوران یرغمال بنائے جانے والے 60 قیدی اسرائیلی بمباری کی وجہ سے لاپتا ہو گئے ہیں۔
ترجمان ابو عبیدہ نے بتایا کہ ایسا لگتا ہے کہ قابض اسرائیل کی غزہ کے خلاف مسلسل جارحیت کی وجہ سے ہم ان تک کبھی نہیں پہنچ سکیں گے۔
واضح رہے کہ گزشتہ روز 2امریکی حکام نے بتایا کہ ان کا ملک حماس کی طرف یرغمال بنائے گئے افراد کی تلاش میں غزہ کی فضا میں مسلسل ڈرونز طیاروں کے ذریعے ان کا پتا لگانے کی کوشش کر رہے ہیں۔
خیال رہے کہ صہیونی فوجیو ں کی درندگی کے نتیجے میں کئی اسکولز اور اسپتال تباہ ہوگئے ہیں، اسرائیل کی مسلسل بمباری کی وجہ سے کئی میڈیا دفاتر کی عمارتیں بھی تباہ ہوگئی ہیں، اسرائیلی وزیر نے غزہ پرایٹم بم گرانے کی بھی دھمکی دی ہے۔
