آئی سی سی ورلڈکپ میں اب تک کی چند بہترین اننگز میں سے ایک کھیلنے والے میکس ویل نے اپنی حیران کن اننگز پر خود کو خوش قسمت قراردیا ہے۔
مین آف دی میچ ایوارڈ وصول کرنے کے بعد گفتگو کرتے ہوئے آسٹریلوی آل راؤنڈر گلین میکسویل کا کہنا تھا کہ خوش قسمت ہوں کہ ٹیم کی جیت میں اہم کردار ادا کیا۔
میکسویل نے کہا کہ دباؤ کے باوجود مطلوبہ ہدف اور باقی گیندوں کا حساب ذہن میں رکھ کر کھیلا۔ ریویو پر جب ناٹ آؤٹ ہوا تو فیصلہ کرلیا تھا آخرتک کھیلوں گا۔
ہیمسٹرنگ انجری کے باوجود اپنی بیٹنگ جاری رکھنے والے میکس ویل نے کہا کہ شروع میں بال سوئنگ ہورہی تھی۔
