سندھ ہائیکورٹ نے نقیب اللہ قتل کیس میں سابق ایس ایس پی ملیر راؤ انوار و دیگر کی بریت کے خلاف اپیل سماعت کے لئے منظور کرلی اور انسداد دہشت گردی عدالت سے کیس کا مکمل ریکارڈ طلب کرلیا۔
سندھ ہائیکورٹ میں نقیب اللہ قتل کیس میں سابق ایس ایس پی ملیر راؤ انوار و دیگر کی بریت کے خلاف اپیلوں کی سماعت ہوئی۔
ملزمان کی بریت کے خلاف اپیل مقتول نقیب اللہ کے بھائی عالم شیرنے دائر کی، جس میں مؤقف پیش کیا گیا کہ اے ٹی سی نے راؤ انوار سمیت دیگر ملزمان کو بری کرکے ایک شواہد ہو نظر انداز کیا، انسداد دہشت گردی کے فیصلے کو کالعدم قرار دیا جائے۔
عدالت نے اپیل سماعت کے لیے منظورکرتے ہوئے انسداددہشت گردی عدالت سے کیس کا مکمل ریکارڈ طلب کرلیا ہے۔ اور پراسکیوٹر جنرل سندھ سے بھی جواب طلب کرلیا۔
واضح رہے کہ انسداد دہشت گردی عدالت نے نقیب اللہ قتل کیس کا فیصلہ 23 جنوری 2023 کو سنایا تھا، اور عدم شواہد کی بناء پر راؤ انوار سمیت 18 ملزمان کو بری کردیا تھا۔
