اسلام آباد کی احتساب عدالت میں پاکستان تحریک انصاف کے سابق چیئرمین عمران خان اور ان کی اہلیہ بشریٰ بی بی کے خلاف توشہ خانہ ریفرنس میں آج بھی نیب گواہان کے بیانات قلمبند نہ ہوسکے جبکہ وکیل صفائی سردارلطیف کھوسہ کے موجود نہ ہونے پر عدالت نے سماعت کل تک کے لیے ملتوی کردی۔
احتساب عدالت اسلام آباد کے جج محمد بشیر نے سابق چیئرمین پی ٹی آئی عمران خان اور بشریٰ بی بی کے خلاف توشہ خانہ ریفرنس کی اڈیالہ جیل میں سماعت کی۔
ڈپٹی پراسیکیوٹر جنرل نیب سردارمظفرعباسی، امجد پرویز، سہیل عارف اور عرفان بھولا عدالت پیش ہوئے جبکہ وکیل صفائی سردار لطیف کھوسہ عدالت پیش نہیں ہوئے۔
دوران سماعت بانی پی ٹی آئی کے وکلاء نے سماعت ملتوی کرنے کی استدعا کردی۔
وکلاء صفائی نے استدعا کی کہ لطیف کھوسہ آج دستیاب نہیں، اس لیے ان کی عدم دستیابی کے باعث سماعت ملتوی کی جائے۔
بعدازاں احتساب عدالت نے سماعت کل تک کے لیے ملتوی کردی۔
