نگران وزیراعلیٰ محسن نقوی پاکستان کرکٹ بورڈ کے 3 سال کیلئے بلامقابلہ چیئرمین منتخب ہو گئے ہیں جس کے بعد پاکستان کرکٹ بورڈ میں بڑے پیمانے پر تبدیلیوں کے امکانات کو ظاہر کیا جارہاہے ۔
تفصیلات کے مطابق محسن نقوی کے چیئرمین پی سی بی منتخب ہوتے ہی سوشل میڈیا پر ایک نئی بحث نے جنم لے لیاہے اورکہا جارہاہے کہ جلد ہی بابراعظم ایک مرتبہ پھر سے قومی کرکٹ ٹیم کی بھاگ دوڑ سنبھالیں گے ۔
محسن نقوی ایک مرتبہ پھر سے بابراعظم کو قومی ٹیم کا کپتان بنانے میں دلچسپی رکھتے ہیں ۔
دوسری جانب یہ امر توجہ طلب ہے کہ ممکنہ طور پر دائریکٹر محمد حفیظ کی نوکری بھی خطرے میں آ گئی ہے ۔
ذرائع کا بتانا ہے کہ محسن نقوی جب چیئرمین منتخب ہونے کے بعد کرکٹ بورڈ پہنچے تو وہاب ریاض نے محمد حفیظ کو نومنتخب چیئرمین سے ملوانے کی کوشش کی لیکن نگران وزیراعلیٰ نے ملاقات میں خاصی دلچسپی نہیں دکھائی ۔
محسن نقوی اس وقت نگران وزیراعلیٰ پنجاب ہیں اور الیکشن کے بعد وہ باقاعدہ طور پر پاکستان کرکٹ بورڈ کی ذمہ داریاں سنبھالیں گے ۔
